Main ek software engineer

Karta hun ek naami company mein kaam,
Office bhi acha, ghar mein bhi hain pure aaram
Paise bhi kama raha hun hazaron mein
Jhande gaad raha hun ijjat ke galiyaron mein
Par main Khush nahin hun.

Kehne ko to mere dost hain bahut
Par koi apna sa nahin lagta
College mein jaise sapne dekhe the
Yeh un sapno sa nahin lagta
Kehte hain paise se sab milta hai
Paise to hain mere pass
Par main Khush nahin hun.

Ek girlfriend bhi hai meri
Par najane kyun parai si lagti hai
Hansti-khilkhilati hai who
Par jane kyun murjhai si lagti hai
Kehte hain pyar hi sab kuch hai
Pyar to karti hai mujh se
Par main Khush nahin hun

Main ek software engineer